தேசிய டேக்வாண்டோ போட்டியில் அரசு மற்றும் தனியார் பள்ளி மாணவர்கள் : 28 தங்கம் உட்பட 55 பதக்கங்களை பெற்று சாதனை - அடுத்த இலக்கு தென்கொரிய சர்வதேசப் போட்டி !!!
பல்வேறு மாநிலங்களை சேர்ந்த வீரர்,வீராங்கனைகள் கலந்து கொண்ட இதில்,தமிழக அணி சார்பாக கோவையைச் சேர்ந்த ஆண்ட்லீ பிளாக் பெல்ட் அகாடமியில் பயிற்சி பெறும் அரசு மற்றும் தனியார் பள்ளி மாணவ, மாணவிகள் 18 பேர் பங்கு பெற்றனர்..
சிறுவர்கள் துவங்கி,சப் ஜூனியர்,கேடட்,ஜூனியர்,சீனியர் என பல்வேறு பிரிவுகளில் பூம்சே,கிரோகி என ஆகிய பிரிவுகளாக நடைபெற்ற போட்டிகளில்,கோவையை சேர்ந்த மாணவர்கள் அபார திறமையை வெளிப்படுத்தி 28 தங்கம், 15 வெள்ளி, 12 வெண்கலம் என மொத்தம் 55 பதக்கங்களை வென்று சாதனை படைத்தனர்.
இந்நிலையில்,தேசிய போட்டியில் பதக்கம் வென்று கோவை திரும்பிய வீரர்,வீராங்கனைகளுக்கு பெற்றோர், பயிற்சியாளர்கள் மற்றும் பொதுமக்கள் சார்பில் , மலர் மாலை அணிவித்து மேள தாளம் முழங்க உற்சாக வரவேற்பு அளிக்கப்பட்டது..
தேசிய போட்டியில் வெற்றி பெற்ற மாணவர்கள் அடுத்ததாக தென்கொரியாவில் நடைபெற உள்ள சர்வதேச டேக்வாண்டோ போட்டியில் இந்தியா சார்பில் பங்கேற்க தகுதி பெற்றுள்ளனர்.
இதுகுறித்து பயிற்சியாளர் ஆனந்த்குமார், செய்தியாளர்களிடம் கூறுகையில், தமிழகத்தில் டேக்வாண்டோ உள்ளிட்ட தற்காப்புக் கலை விளையாட்டுகளில் திறமையான வீரர், வீராங்கனைகள் ஏராளமாக உள்ளனர்.
அவர்களின் திறமையை உலக அரங்கில் வெளிப்படுத்த தமிழக அரசு கூடுதல் முக்கியத்துவம் அளிக்க வேண்டும் என கூறிய அவர், டேக்வாண்டோ விளையாட்டிற்குத் தேவையான சென்சார் உள்ளிட்ட நவீன உபகரணங்கள், வழங்கி,தரமான பயிற்சி வசதிகள், சிறப்பு பயிற்சி முகாம்கள், சர்வதேச போட்டிகளில் பங்கேற்கும் வீரர், வீராங்கனைகளுக்கு நிதியுதவி மற்றும் ஊக்கத்தொகை உள்ளிட்ட அனைத்து வசதிகளையும் தமிழக விளையாட்டுத்துறை அமைச்சர் ஏற்படுத்தித் தர வேண்டும் என்று கோரிக்கை விடுத்தார்.
மேலும், இதுபோன்ற ஆதரவுகள் வழங்கப்பட்டால் தமிழகத்தைச் சேர்ந்த வீரர், வீராங்கனைகள் தேசிய மற்றும் சர்வதேச அளவில் தொடர்ந்து பதக்கங்களை வென்று மாநிலத்திற்கும், நாட்டிற்கும் பெருமை சேர்ப்பார்கள் என்றும் அவர் நம்பிக்கை தெரிவித்தார்.
0 கருத்துகள்: