தி.மு.க எம்.பி கனிமொழியை விமர்சித்து, ஸ்டாலின் மீது சத்தியம்" செய்த நபர் ; த.வெ.க பாணியில் கார் போர்டுடன் வலம் வரும் கோவை சிங்காநல்லூர் தொகுதியில் போட்டியிட்ட தாஹிர் ஹூசைன் சவால் - வைரலாகும் வீடியோ !!!
பெரிய தலையோ, சின்ன தலையோ.. தட்டித் தூக்குவது நிச்சயம்" - கனிமொழியை வம்புக்கு இழுத்து, ஸ்டாலின் மீது சத்தியம் செய்த நபர் !!!
த.வெ.க பாணியில் கார் போர்டுடன் வலம் வரும் கோவை 'மக்கள் எம்.எல்.ஏ' தாஹிர் ஹூசைன்... திருச்சி கிழக்குக்கு போட்டியிட வருவதாக பேசிய வீடியோ வைரல் !!!
தமிழக சட்டசபைத் தேர்தல் களம் தற்பொழுது அனல் பறக்கும் அரசியல் நகர்வுகளுடன் உச்சக்கட்ட பரபரப்பை எட்டி உள்ள நிலையில், கோவை சிங்காநல்லூர் தொகுதி சுயேச்சை வேட்பாளராகக் களம் கண்டு, 'மக்களுக்காக... மாற்றத்திற்காக...' எனத் தனது காரில் பிரம்மாண்ட போர்டு மாட்டி வலம் வரும் தாஹிர் ஹூசைனின் புதிய வீடியோ பதிவு ஒன்று வெளியிட்டு உள்ளது அரசியல் வட்டாரத்தையும் "நெட்டிசன்"களின் விமர்சனங்களுக்கு உள்ளாகி உள்ளது.
முன்னாள் காங்கிரஸ் பிரமுகரான இவர், தற்பொழுது தமிழக வெற்றி கழகத்தின் (த.வெ.க) அரசியல் என்ட்ரிக்குப் பிறகு தானும் ஒரு எம்.எல்.ஏ பாணியில் வலம் வரும் வேளையில், திருச்சி கிழக்குத் தொகுதியைக் குறிவைத்து, தி.மு.கவின் முக்கியப் புள்ளிகளைத் தாக்கி சமூக வலைதளங்களில் வெளியிட்டு உள்ள அதிரடியான அரசியல் அறிக்கை, தற்பொழுது "டிரெண்டிங்"கில் டாப் கியரில் சென்று கொண்டு இருக்கிறது.
அரசியல் ரீதியாகப் பெரும் எதிர்பார்ப்பை ஏற்படுத்தி உள்ள திருச்சிக்கு ஒரு பிரம்மாண்ட திருவிழா தயாராக உள்ளதாகத் தனது வீடியோ பதிவில் நாடித் துடிப்பை எகிற வைக்கும் டானில் பேசத் துவங்கி உள்ள தாஹிர் ஹூசைன், அந்தத் திருவிழாவிற்கு வரக்கூடிய சிறப்பு விருந்தினர் யார் ? என்று தெரிந்ததும் தமக்கு ஏற்பட்ட மன நிலையைப் பகிரங்கப்படுத்தி உள்ளார். அவர் வருகையை நினைத்துச் சந்தோஷப்படுவதா ? அல்லது சங்கடப்படுவதா ? என்றே தெரியவில்லை எனக் குறிப்பிட்டவர்,
தமிழக வெற்றி கழகத்தின் வேட்பாளர் மட்டும் முன்னால் நின்று இருந்தால், நான் தாராளமாகச் சீட்டு கேட்டு ஓட்டி இருக்கலாம் என்றும், ஆனால் தற்போதைய அரசியல் சூழலில் சுயேச்சையாக நின்றாலே போதும் என்ற நிலைக்குக் களம் வந்து விட்டதாகவும் அனல் பறக்கப் பேசி உள்ளார்.
தி.மு.க மற்றும் சுயேச்சை ஆகிய இரு தரப்பிற்கு நடுவில் தான் உண்மையான போட்டி நிலவப் போகிறது என்றும், தமிழக வெற்றி கழகம் வராமல் இந்த இரு முனைப் போட்டியில் சுயேச்சை தான் தட்டித் தூக்கி வெற்றி பெறும் என்பது ஒட்டுமொத்த திருச்சிக்கே வெளிச்சம் என்றும் அதிரடி கிளப்பி உள்ளார். மேலும், சமகால சோஷியல் மீடியா ட்ரெண்டுகளைத் தனது அரசியல் சாடலுக்குப் பயன்படுத்திய தாஹிர் ஹூசைன்...
தி.மு.க எம்.பி கனிமொழியை மறைமுகமாகத் தாக்கும் வகையில்,
'இன்ஸ்டாகிராம் தெரியாத பவள விழா பாப்பாவிற்கும்' கூட இந்த அரசியல் கணக்கு அப்பட்டமாகத் தெரியும் எனச் செம லோக்கல் கலாய் கலாய்த்து உள்ளார்.
தான் எதிர்பார்த்த களம் வேறாக இருந்தாலும், தற்போதைய தேர்தல் களம் இப்படித் தான் போய்க் கொண்டு உள்ளது என்றும், எதற்கும் தாம் அஞ்சப் போவதில்லை என்றும் மார்தட்டி உள்ளார்.
வீடியோவின் இறுதிக் கட்டத்தில் உச்சக்கட்ட ஆவேசத்திற்குச் சென்ற தாஹிர் ஹூசைன், இந்தத் தேர்தலில் இறங்கி ரத்தம் சூடேறி அது இன்னும் அடங்காமல் அப்படியே தகித்துக் கொண்டு இருப்பதாகவும் "வர்றேன்... நான் வர்றேன்... திருச்சி கிழக்குக்கு நான் வர்றேன்! அங்கே பெரிய தலையோ, சின்ன தலையோ... பெரிய தலையோ எடுக்கிறது நிச்சயம்! இது தளபதி ஸ்டாலின் மீது சத்தியம்!" என முன்னாள் முதலமைச்சர் ஸ்டாலின் பெயரை இழுத்துச் சத்தியம் செய்து சவால் விடுத்து உள்ள இந்த வீடியோ பதிவு, தற்பொழுது சமூக தளங்களில் வைரலாகி பெரும் சலசலப்பை ஏற்படுத்தி உள்ளது.
0 கருத்துகள்: