தமிழகத்தில் மீண்டும் தி.மு.க ஆட்சி; தேர்தலுக்கு பிந்தைய கருத்துக்கணிப்பு முடிவுகள் வெளியானது !!!

 தமிழகத்தில் மீண்டும் தி.மு.க ஆட்சி; தேர்தலுக்கு பிந்தைய கருத்துக்கணிப்பு முடிவுகள் வெளியானது !!!

தமிழகத்தில் மீண்டும் தி.மு.க கூட்டணி ஆட்சி அமைக்கும் என்று தேர்தலுக்கு பிந்தைய பெரும்பாலான கருத்துக்கணிப்புகள் தெரிவித்து உள்ளன.

தமிழ்நாடு உள்பட 5 மாநிலங்களுக்கான சட்டப்பேரவை பொதுத் தேர்தல் நிறைவடைந்து உள்ளது. இன்று மேற்கு வங்கத்தில் இரண்டாம் மற்றும் இறுதி கட்ட வாக்குப்பதிவு முடிவு அடைந்த நிலையில், தேர்தலுக்கு பிந்தைய கருத்துக்கணிப்பு முடிவுகள் தற்போது வெளியாகி உள்ளன.

தமிழகத்தில் கடந்த 23-ம் தேதி நடைபெற்ற வாக்குப்பதிவில் முன்னெப்போதும் இல்லாத வகையில் 85.15% வாக்குகள் பதிவாகின. தமிழக தேர்தல் வரலாற்றில் முதல் முறையாக அதிகப்படியான வாக்குகள் பதிவானதால் யார் வெற்றி பெறுவார்கள் என்ற எதிர்பார்ப்பு எழுந்தது. இந்நிலையில், தி.மு.க கூட்டணி பெரும்பான்மை இடங்களை வென்று மீண்டும் ஆட்சி அமைக்கும் என்று தேர்தலுக்கு பிந்தைய கருத்துக்கணிப்பில் பெரும்பாலான நிறுவனங்கள் தெரிவித்து உள்ளன.

பல்வேறு செய்தி நிறுவனங்கள் வெளியிட்டு உள்ள தேர்தலுக்கு பிந்தைய கருத்துக்கணிப்பின்படி, தி.மு.க கூட்டணி, அ.தி.மு.க கூட்டணி, த.வெ.க கைப்பற்றுவதாக தெரிவிக்கப்பட்டு உள்ள தொகுதிகளின் எண்ணிக்கை விவரம்:

NDTV : தி.மு.க கூட்டணி 125-145, அ.தி.மு.க கூட்டணி 65-80, த.வெ.க 18-24

PEOPLE INSIGHT: தி.மு.க 120-140, அ.தி.மு.க 60-70, த.வெ.க 30-40

MATRIZE: தி.மு.க 122-132, அ.தி.மு.க 87-100, த.வெ.க 12-16

AGNI: தி.மு.க 169, அ.தி.மு.க 64, த.வெ.க 1

REPUBLIC: தி.மு.க 125-145, அ.தி.மு.க 65-85, த.வெ.க 16-26

CNN NEWS 18: தி.மு.க 103-113, அ.தி.மு.க 114-124 , த.வெ.க 04-10

TIMES NOW: தி.மு.க 75-95, அ.தி.மு.க 128-147, த.வெ.க 08-15

INDIA TODAY: தி.மு.க 92 -110, அ.தி.மு.க 22-32, த.வெ.க 98 -120