“இனி ஒரு விதி செய்வோம், போதை அரக்கனை ஒழிப்போம்”: உலக போதைப்பொருள் ஒழிப்பு தினத்தில் பேரணி சென்ற அர்-ரஹ்மான் அகாடமி மாணவர்கள் - கொடியாசைத்து துவக்கி வைத்த காவல்துறை !!!

“இனி ஒரு விதி செய்வோம், போதை அரக்கனை ஒழிப்போம்”: உலக போதைப்பொருள் ஒழிப்பு தினத்தில் பேரணி சென்ற அர்-ரஹ்மான் அகாடமி மாணவர்கள் - கொடியாசைத்து துவக்கி வைத்த காவல்துறை !!!

உலக போதைப்பொருள் ஒழிப்பு தினத்தை முன்னிட்டு, கோவை மாநகர காவல் துறை மற்றும் அர்-ரஹ்மான் அகாடமி கட்டணமில்லா கல்வியகம் இணைந்து நடத்திய போதைப்பொருளுக்கு எதிரான மாபெரும் விழிப்புணர்வு மனித சங்கிலி மற்றும் பேரணி கோவை கரும்புக்கடை பகுதியில் நடைபெற்றது.

​இந்த விழிப்புணர்வு பேரணியை கரும்புக்கடை (D6) காவல் நிலைய உதவி ஆய்வாளர் சந்துரு, கோவை மாநகராட்சியின் 86-ஆவது வார்டு மாமன்ற உறுப்பினர் அகமது கபீர் கொடியசைத்து முறைப்படி துவங்கி வைத்தனர்.

​ இந்த நிகழ்வில் அர்-ரஹ்மான் அகாடமி நிர்வாகிகள் அப்துல் ஹக்கீம், ஜுனைது உசேன், சிராஜ்தீன், அப்துல் சத்தார், ஜுபைர் மற்றும் ஆசிரியப் பெருமக்கள் முன்னிலை வகித்து பேரணியை வழி நடத்தினர்.

​இந்த விழிப்புணர்வு பேரணியில் 200-க்கும் மேற்பட்ட மாணவ, மாணவிகள் ஆர்வத்துடன் கலந்து கொண்டனர். 

 மாணவர்கள் போதைப்பொருட்களின் தீமைகளை விளக்கும் மற்றும் போதைக்கு எதிரான விழிப்புணர்வு முழக்கங்களை எழுப்பியவாறு சென்று பொதுமக்கள் இடையே விழிப்புணர்வை ஏற்படுத்தினர்.