'சுயம்’ திட்டம் மூலம் மகளிருக்கு இலவச தையல் பயிற்சி... சான்றிதழ்களை வழங்கி அசத்திய பா.ஜ.க தேசிய மகளிர் அணி தலைவி வானதி சீனிவாசன் : கோவையில் நடந்த நெகிழ்ச்சியான விழா !!!
கோவை மக்கள் சேவை மையத்தின் ‘சுயம்’ திட்டத்தின் கீழ் இலவசத் தையல் பயிற்சி பெற்றுப் பயனடைந்த பெண்களுக்குச் சான்றிதழ்கள் வழங்கும் விழா கோவையில் நடைபெற்றது. பா.ஜ.க தேசிய மகளிர் அணித் தலைவி வானதி சீனிவாசன் விழாவிற்குத் தலைமை தாங்கிப் பயனாளிகளுக்குச் சான்றிதழ்களை வழங்கினார்.
‘சுயம்’ திட்டம் மூலம் மகளிர் வாழ்வாதாரம் மேம்பாடு:
கோவை மக்கள் சேவை மையம் சார்பில் பெண்களின் பொருளாதாரச் சுதந்திரம் மற்றும் சுயதொழில் வாய்ப்புகளைத் மேம்படுத்தும் நோக்கில் 'சுயம்' (Sayam) என்ற சிறப்பான திட்டம் செயல்படுத்தப்பட்டு வருகிறது. இத்திட்டத்தின் மூலம் ஏராளமான பெண்களுக்கு இலவசமாகத் தையல் பயிற்சிகள் மற்றும் கைத்தொழில் பயிற்சிகள் தொடர்ந்து வழங்கப்பட்டு வருகின்றன.
அந்த வகையில், சமீபத்தில் தையல் பயிற்சியை வெற்றிகரமாக முடித்த பெண்களுக்கான சான்றிதழ் வழங்கும் விழா, கோவை ராம்நகர் பகுதியில் உள்ள பிரபல வாணி ஸ்ரீ ஹாலில் நடைபெற்றது.
இந்த விழாவிற்கு பா.ஜ.க தேசிய மகளிர் அணித் தலைவி வானதி சீனிவாசன் தலைமை தாங்கி, சுயதொழில் கற்றிந்த பெண்களைப் பாராட்டிப் பேசினார்.
இவ்விழாவில் சிறப்பு விருந்தினர்களாக என் டெக்ஸ் அப்பேரல்ஸ் பிரைவேட் லிமிடெட் (N Tex Apparels Pvt Ltd) நிறுவனத்தின் செயலாளரும், சசூரி கல்விக் குழுமத்தின் (Sasurie Group of Institutions) செயலருமான சவிதா மோகன்ராஜ் கலந்து கொண்டார். தையல் பயிற்சி முடித்த ஏராளமான பெண்களுக்குச் சான்றிதழ்களை வழங்கி, அவர்கள் வாழ்க்கையில் சுயகாலில் நின்று முன்னேற வாழ்த்துகளைத் தெரிவித்தனர்.
சுயதொழில் தொடங்க ஊக்குவிப்பு:
பயிற்சி முடித்த பெண்கள் பேசுகையில்,
"கோவை மக்கள் சேவை மையத்தின் சுயம் திட்டம் மூலமாக நாங்கள் இலவசமாகத் தையல் தொழிலைக் கற்றுக் கொண்டு உள்ளோம். இதன் மூலம் வீட்டில் இருந்தபடியே சுய தொழில் செய்து எங்களது குடும்பத்தின் பொருளாதாரத்திற்கு உறுதுணையாக இருப்போம்" என நெகிழ்ச்சியுடன் தெரிவித்தனர்.
இவ்விழாவில் கோவை மக்கள் சேவை மையத்தின் நிர்வாகிகள், முக்கியப் பிரமுகர்கள் மற்றும் தையல் பயிற்சி பெற்ற ஏராளமான பெண்கள், அவர்களது குடும்பத்தினருடன் பெருந்திரளாகக் கலந்து கொண்டனர்.
0 கருத்துகள்: